Oijukege Mukazi wa Loti

Habwaki mukazi wa Loti yarozere enyuma obu bakaba nibairuka kuruga omu ihanga lya Sodomu? Baibuli tetugambira ensonga habwaki. (Kub 19:17, 26) Baitu kusigikirra Yesu eky’akaba nabazaaho nikisoboka kuba ngu mukazi wa Loti akegomba ebintu ebiyalekere enyuma. (Luk 17:31, 32) Nitusobora tuta kweriinda kufooka nka mukazi wa Loti ayasiisire Yahwe? Tutaikiriza kuserra itungo kuba kintu ekirukukira obukuru omu bwomeezi bwaitu. (Mat 6:33) Yesu akegesa ati titusobora “kukorra Ruhanga [nitungo].” (Mat 6:24) Kiki ekitusemeriire kukora kakuba tukyetegereza ngu kugonza itungo kutandikire kutuhugura kutwiha ha bintu eby’omwoyo? Nitusobora kusaba Yahwe atukonyere kumanya empinduka ezitusemeriire kukora, atuhe obumanzi n’amaani ag’okuzikora.

MWIJUKE EBIRI OMU FILIMU OIJUKEGE MUKAZI WA LOTI, HANYUMA MUGARUKEMU EBIKAGUZO BINU:

• 

  Kusindikirizibwa kukora sente ezirukukiraho kukaletera kuta Gloria kuhinduka omu ntekereza ye, omu mbaza ye, hamu n’omu bikorwa bye?

• Ekyokurorraho kya mukazi wa Loti nikitugasira kita kasumi kanu?

• Kuhondera emisingi ya Baibuli kikakonyera kita Joe hamu n’eka ye?

• Enkoragana Anna akaba aine n’abayakoraga nabo ekamukwataho eta omu by’omwoyo?

• Habwaki obumanzi nibwetaagwa obutuhambirizibwa kwebembeza kuserra sente omu bwomeezi bwaitu?

• Kiki ekyakonyire Brian na Gloria kwongera kwebembeza ebintu eby’omwoyo?

• Misingi ki eya Baibuli ey’oyegere omu vidiyo enu?