Ebintu ebyakorwaga ha kiro ky’Okuhingurwaho n’obu biraaba byali bitarukukikirra ekiijukyo, nitusobora kubyegeraho bingi. Nk’ekyokurorraho, omukwenda Paulo akeeta Yesu “omwana gw’entaama ogw’okuhingurwaho kwaitu”. (1Kol 5:7, NW) Nk’oku esagama y’omwana gw’entaama eyali etairwe ha nyigi za maju g’Abaisareri yakirize obwomeezi bwabo, nukwo n’esagama ya Yesu ejuna obwomeezi bw’abantu. (Kurug 12:12, 13) Kandi busaho igufa nalimu ery’omwana gw’entaama ogw’okuhingurwaho eryahendwaga. Omu mulingo nugwo gumu, busaho igufa lya Yesu nalimu eryahenzerwe, n’obukiraaba ngu bahendaga amagufa g’omuntu obuyabaga ahanikirwe.—Kurug 12:46; Yoh 19:31-33, 36.