• Baibuli Eyegesa Ki ha Kutaba omu Buswere n’Okuba omu Buswere?
    Wegondeze omu Bwomeezi Ebiro n’Ebiro!—Okwega Baibuli Okw’Okuleeta Hamu Ebiteekerezo

    • 5. Kozesa amagezi obworukuba n’okomamu ow’okutaaha nauwe omu buswere

      Kukomamu ow’okutaaha nauwe omu buswere eri ncwamu ey’amaani ey’osobora kukora. Musome Matayo 19:4-6, 9, hanyuma mubazeeho ekikaguzo kinu:

      • Habwaki Omukristaayo atasemeriire kwanguhiriza kutaaha obuswere?

      Baibuli n’esobora kukukonyera kumanya emiringo enungi ey’osemeriire kuserra omu muntu oworukugonza kutaaha nauwe obuswere. Ekirukukira obukuru nukwo kutaaha omu buswere n’omuntu aw’arukugonza Yahwe.b Musome 1 Abakolinso 7:39 na 2 Abakolinso 6:14. hanyuma, mubazeeho ebikaguzo binu:

      • Habwaki tusemeriire kutaaha obuswere n’Abakristaayo bangenzi baitu bonka?

      • Notekereza Yahwe n’asobora kwehurra ata kakuba tutaaha obuswere n’omuntu ow’atarukumugonza?

      Enimi ey’amaani hamu n’enkaina entaito biri omu kikoligo kimu nibirwana kukorra hamu.

      Kakuba ebisoro bibiri ebitarukwingana biteekwa omu kikoligo kimu, byona nibiija kubonabona. Nikyo kimu, n’Omukristaayo ow’ataaha omu buswere n’omuntu atarukuheereza Yahwe naija kutunga ebizibu bingi