Batendeke Kwikara Nibaheereza Yahwe

Ebyokurorraho nibyoleka ngu abatebezi abahyaka abatendekwa kuba omu buheereza obutoosa hamu n’okuba abekambi bakira muno kuba abatebezi abarungi. (Nfu 22:6; Baf 3:16) Hanu haroho amagezi agahairwe ag’osobora kukozesa kukonyera omwegi wawe kuba n’omusingi ogugumire ogw’okwekambira obuheereza:

• Omwegi wawe obwarakirizibwa kutandika kutebeza, tandikiraho kumutendeka. (km-E 8/15 1) Mwoleke obukuru obwokuba omu buheereza buli wiiki kandi n’omulingo asobora kugifoora ngeso ye. (Baf 1:10) Bazaaho kurungi ekiikaro ekimurukutebezaamu. (Baf 4:8) Mwekambise kutebeza n’omurolerezi wa gurupu hamu n’ab’oruganda abandi nukwo asobole kubegeraho.​—Nfu 1:5; km-E 10/12 6 ¶3

  

• Omwegi wawe obwaramara kubatizibwa, gumizaamu n’omugarramu amaani, kumutendeka omu buheereza hamu n’okumwegesa akatabu “Okugonza Kwa Ruhanga” obwaraaba atakakamazire.​—km-E 12/13 7

  

• Obworaaba n’okora n’omutebezi omuhyaka, kozesa enyanjura eyanguhire kukwata. Hanyuma y’okuhuliiriza enyanjura ye ey’akozeseze, musiime kandi muhe amagezi agandi ag’asobora kukozesa nukwo asobole kuhikiriza kurungi omulimo ogw’okutebeza.​—km-E 5/10 7