Kukozesa Ebikaguzo

Matayo 16:13-16

EKY’OSEMERIIRE KUKORA: Kozesa ebikaguzo ebiraletera abarukukuhuliiriza ekihika eky’okugonza kumanya ebirukukiraho, n’okwikara nibakuhuliiriza, kandi ebirakusobozesa kuhingisaniza nabo ebitekerezo rundi kugumya ensonga enkuru.

OMULINGO OGW’OKUKIKORAMU:

• Baletere ekihika kandi okiikazeeho. Kaguza ebikaguzo ebirabakonyera kutekereza rundi ebirabaletera kugonza kumanya ebirukukiraho.

• Soborra ensonga. Kozesa ebikaguzo ebirakonyera abarukukuhuliiriza kwetegereza ensonga ey’orukubasobororra.

• Gumya ensonga enkuru. Obworaaba noyanjura ensonga enkuru, kozesa ekikaguzo ekirukusikiiriza. Kozesa ebikaguzo eby’okweijukya hanyuma y’okusoborra ensonga enkuru rundi obworaaba nomalirra.