ISOMO 1

Enyanjura Enungi

Eng. 17:22

EKY’OSEMERIIRE KUKORA: Enyanjura yaawe esemeriire kuleetera abantu kuba n’ekihika, kubooleka omutwe ogw’orukugenda kwegesaaho, hamu n’ensonga habwaki basemeriire kumanya ebirukukiraho.

OMULINGO OGW’OKUKIKORAMU:

Baletere kuba n’ekihika. Kozesa ekikaguzo, ekyokurorraho ekyabaireho kwo, ebibaire omu makuru, rundi ebigambo ebindi ebisobora kuletera abarukukuhuliiriza kuba n’ekihika.

Obworaaba n’otekaniza, tekerezaaho ebintu abarukuhuliiriza barukogonza kandi ebirukubakwataho nukwo kikukonyere omu nyanjura yaawe.
Yoleka omutwe orukubazaaho. Kigumye ngu omu nyanjura yaawe, omutwe hamu n’ekigendererwa kyawe byayetegerezebwa kurungi.
Yoleka habwaki omutwe ogu mukuru. Eby’orukwegesa leka bisigikirre ha byetaago by’abantu abarukukuhuliiriza. Basemeriire kukyetegereza kurungi ngu eby’orukubegesa nibisobora kubagasira.

Obworaaba notekaniza orubazo, wekaguze, ‘Nyikara za mulingo ki ab’oruganda n’abanyanya itwe omu kitebe kyaitu barukurabamu?’ Nukwo otekanize enyanjura yaawe nosigikirra ha byetaago byabo.