Mpikire?

Omulingo Kirukusisana ha Rupapura

Nakahikire ha Rulengo rw’Okutebeza n’Ekitebe?

N’osobora kuba ohikire kufooka omutebezi atakabatiziibwe kakuba oba . . .

N’oyega Baibuli butoosa, n’osaba kandi n’ogenda omu nsorrokano z’ekitebe.
N’ogonza ebyorukwega, n’obikiririzaamu kandi n’ogonza kubigambiraho abandi.
N’ogonza Yahwe kandi n’onywana abantu abarukumugonza.
Oyecwireho ebitebe eby’eby’obulemi n’amadiini ag’ebisuba.
N’ohondera endengo za Yahwe kandi n’ogonza kufooka omu h’Abakaiso be.

Omwegi wa Baibuli ali n’ow’arukumwegesa Baibuli nibatebeza omukazi ow’anyakuli omu ka ye.

Obworaaba n’ohurra ngu ohikire kutebeza n’ekitebe, ow’arukukwegesa Baibuli n’asobora kukora entekaniza nukwo mutangatangane n’abagurusi kurora obw’oraaba osemeriire.

Mpikire Kubatizibwa?

N’osobora kuba ohikire kubatizibwa kakuba oba . . .

Oli mutebezi atakabatiziibwe.
N’oyejumbira omu mulimo ogw’okutebeza butoosa nk’oku orukusobora.
N’osagika kandi n’ohondera oburagirizi bw’omwiru omwesigwa kandi ow’amagezi.—Matayo 24:45-47.
Oyehaireyo hali Yahwe kurabira omu kusaba kandi n’ogonza kumuheereza ebiro n’ebiro.

Omwegi wa Baibuli nabatizibwa ha rusorrokano orukooto orw’Abakaiso ba Yahwe.

Obworaaba n’ohurra ngu ohikire kubatizibwa, ow’arukukwegesa Baibuli n’asobora kukora entekaniza nukwo mutangatangane n’abagurusi kurora obw’oraaba osemeriire.