Ba Mwesigwa omu Bintu Byona

Buli muntu agonza kuba n’abanywani abesigwa. Yahwe nauwe n’agonza banywani be babe besigwa. Baitu kinu tikyanguhire omu nsi nambere abantu baingi batali besigwa. Birungi ki ebiruga omu kuba abesigwa omu bintu byona?

1. Nsonga ki erukukirayo obukuru eyetuletera kuba abesigwa?

Obutuba besigwa hali abantu abandi, tuba nitwoleka Yahwe ngu nitumugonza kandi ngu nitumutamu ekitiinisa. Kitekerezeeho: Yahwe namanya buli kimu ekitutekerezaaho n’ekitukora. (Abaheburaniya 4:13) Arora obutucwamu kuba abesigwa kandi kimusemeza. Ekigambo kye kigamba ngu: “Owobutigi muziro hali Mukama: baitu ensitaze ziri nabamazima.”​—Enfumo 3:32.

2. Miringo ki eitusobora kwoleka ngu tuli besigwa omu bwomeezi bwaitu obwa buli kiro?

Yahwe naturagira ati: “Mubazege omuntu wena amazima nomutahiwe.” (Zakaliya 8:16, 17) Eki nikimanyisa ki? Katube nitubaza n’ab’omu ka yaitu, abakozi bagenzi baitu, ab’oruganda n’abanyaanya itwe, rundi abakuru ba gavumenti, titubaza ebisuba rundi kubagambira ebintu ebitahikire. Abantu abarukubaza amananu tibaiba rundi kugobeza abantu abandi. (Soma Enfumo 24:28 na Abefeso 4:28.) Kandi basasura emisoro yoona eibarukutongwa. (Abarumi 13:5-7) Omu miringo enu hamu n’endi, ‘twoleka obwesigwa.’​—Tito 2:10.

3. Birungi ki ebiruga omu kuba abesigwa?

Obutuba tumanyirwe nk’abantu abesigwa, n’abandi batwesiga. Buli omu, omu kitebe kimuletera kuhurra aine obulinzi kandi nk’owali omu ka ey’erumu okugonza. Tuba n’omuntu ow’omunda omurungi. Obwesigwa bwaitu busobora ‘kuhaisa ekitiinisa okwegesa okw’Omujuni waitu Ruhanga,’ kandi buletere n’abandi kugonza kuheereza Yahwe.​—Tito 2:10.

YEGA EBIRUKUKIRAHO

4. Obwesigwa busemeza Yahwe

Musome Zabuli 44:21 na Maraki 3:16, hanyuma mubazeeho ebikaguzo binu:

• Habwaki kitali ky’amagezi kutekereza ngu nitusobora kusereka amananu?

• Notekereza Yahwe ayehurra ata obutucwamu kubaza amananu n’obukiba kitanguhire?

5. Ba mwesigwa obwire bwona

VIDIYO: Kiki Ekireeta Okusemererwa?​—Omuntu ow’Omunda Omurungi (2:32)

Musome Tito 2:10, hanyuma mubazeeho omulingo tusobora kuba abesigwa . . .

• hali ab’omu ka yaitu.

• ha mulimo rundi ha isomero.

• omu nyikara ezindi.

6. Obwesigwa butukonyera

Ha kubanza obwesigwa nibusobora kurugwamu ebizibu. Baitu hanyuma y’obwire, noija kusanga ngu nikyo kintu ekihikire kukora. Musome Zabuli 34:12-16, hanyuma mubazeeho ebikaguzo binu:

• Kuba mwesigwa nikisobora kita kukuleetera kuba n’obwomeezi oburungi?

1. Banyineeka hamu na banyinabwenge abesigwa bagumya obuswere bwabo

2. Abakozi abesigwa, bakama baabo babesiga

3. Abantu abesigwa baheebwa ekitiinisa kuruga omu bakuru ba gavumenti

OYEGERE KI?

Yahwe n’agonza banywani be babe besigwa omu bigambo n’omu bikorwa.

Kweijukyamu

• Miringo ki eitusobora kwolekamu obwesigwa?

• Habwaki kitali ky’amagezi kutekereza ngu nitusobora kusereka amananu?

• Habwaki n’ogonza kuba mwesigwa obwire bwona?

SERULIIRIZA

Abazaire nibasobora bata kwegesa abaana baabo kuba besigwa?

Obazeege Amananu (1:44)

Birungi ki ebiruga omu kukora ebituba tweragire?

Hikiiriza eby’Oraganiize, Otunge Emigisa (9:09)

Manya obukiraaba kihikire kusasura emisoro n’obweraaba n’ekozesebwa kubi

“Osemeriire Kusasura Emisoro?” (Watchtower, eya Sebutemba 1, 2011)

Kiki ekyayekambisize omusaija ow’akaba atali mwesigwa kufooka omwesigwa?

“Nkeega Ngu Yahwe w’Embabazi Kandi n’Aganyira” (Watchtower, eya Maayi 1, 2015)