ISOMO 60
Gumizaamu n’Okurakurana omu by’Omwoyo
Obwire obw’omazire n’oyega Baibuli, osoboire kwega bingi ebirukukwata hali Yahwe. Ebintu eby’oyegere bikuleetiire kumugonza muno kyakwekambisa kwehayo hali uwe n’okubatizibwa. Obw’oraaba otakakikozere, obundi n’osobora kuba oliyo n’otekerezaaho kukikora omu kasumi akatali ka hara. Baitu okukurakurana kwawe tikugarukira ha kubatizibwa. N’osobora kweyongera kwirra haihi na Yahwe habw’ebiro n’ebiro. Omu mulingo ki?
1. Habwaki osemeriire kugumizaamu nogumya enkoragana yaawe na Yahwe?
Tusemeriire kutekamu amaani kwikara nitugumya enkoragana yaitu na Yahwe. Habwaki? Nukwo “tutaterebuka tukaruga” hali Yahwe. (Abaheburaniya 2:1, “NWT”) Kiki ekiratukonyera kwikara nituheereza Yahwe n’obwesigwa? Tusemeriire kwikara nitwekambira omulimo gw’okutebeza kandi tuserre n’emiringo endi eitusobora kuheerezaamu Ruhanga omu bwijwire. (Soma Abafiripi 3:16.) Kuheereza Yahwe nikyo ekintu ekirukukirrayo kimu oburungi omu bwomeezi!—Zabuli 84:10.
2. Kintu ki ekindi eky’osemeriire kugumizaamu n’okora?
N’obukiraaba ngu wamalirra kwega Baibuli, nikiija kukwetaagisa kugumizaamu n’oyetwaza nk’Omukristaayo. Baibuli egamba ngu tusemeriire ‘kujwara omuntu omuhyaka.’ (Abefeso 4:23, 24) Obw’oragumizaamu n’oyesomesa Baibuli kandi n’oija omu nsorrokano, noija kwega ebintu ebihyaka ebirukukwata hali Yahwe hamu n’emiringo ye. Serra emiringo osobora kweyongera kumwegeraho omu bwomeezi bwawe. Ikara n’okora empindahinduka ezirukwetaagisa kusobora kusemeza Yahwe.
3. Yahwe naija kukukonyera ata kwikara n’okurakurana?
Baibuli egamba ngu: “Ruhanga . . . nuwe alibahikiriza, alibagumya, alibaha amani.” (1 Petero 5:10) Itwena nitusobora kwohebwa. Baitu Yahwe atuha ebiturukwetaaga kutukonyera kurwanisa okwohebwa. (Zabuli 139:23, 24) N’araganiza kukuha okugonza n’amaani nukwo omuheereze n’obwesigwa.—Soma Abafiripi 2:13.
YEGA EBIRUKUKIRAHO
Wetegereze omulingo osobora kweyongera kukurakurana n’omulingo Yahwe arakuha emigisa.
4. Ikara n’obaza kandi n’ohuliiriza munywani waawe arukukirrayo kimu
Kusaba n’okwesomesa Baibuli bikukonyire kufooka munywani wa Yahwe. Ebintu ebi byona nibisobora bita kukukonyera kweyongera kumwirra haihi?
Musome Zabuli 62:8, hanyuma mubazeeho ekikaguzo kinu:
Kusobora kugumya enkoragana yaawe na Yahwe, n’osobora ota kwongera kusemezaamu esaara zaawe?
Musome Zabuli 1:2, hanyuma mubazeeho ekikaguzo kinu:
Kusobora kugumya enkoragana yaawe na Yahwe, n’osobora ota kwongera ha kwesomesa kwawe okwa Baibuli?
N’osobora kukora ki kusobora kugasirwa omu kwesomesa Baibuli? Kurora ebintu ebimu, mutekeho VIDIYO, hanyuma mubazeeho ebikaguzo ebirukuhonderaho.
Magezi ki agali omu vidiyo ag’osobora kuteeka omu nkora?
Bintu ki ebiwakugondeze kwesomesaho?
5. Wetereho ebigendererwa eby’omwoyo
Kweteraho ebigendererwa omu kuheereza Yahwe nikiija kukukonyera kweyongera kukurakurana. Mutekeho VIDIYO, hanyuma mubazeeho ekikaguzo ekirukuhonderaho.
Kusigikirra ha vidiyo enu, Cameron akagasirwa ata habw’okweteraho ebigendererwa eby’omwoyo?
Tibali boona abasobora kugenda omu nsi ezindi. Baitu itwena nitusobora kweteraho ebigendererwa ebitusobora kuhikiriza. Musome Enfumo 21:5, hanyuma mubazeeho ebigendererwa ebiwakugondeze kweteraho . . .
omu kitebe
omu buheereza
Omusingi oguli omu rukarra runu nigusobora kukukonyera guta kuhikiiriza ebigendererwa byawe?
Bimu ha bigendererwa eby’osobora weteraho
Kusemezaamu esaara zaawe.
Kusoma Baibuli yoona.
Kumanya buli omu omu kitebe.
Kutunga omwegi wa Baibuli.
Kuheereza nka payoniya omusagiki rundi ow’akasumi koona.
Obw’oraaba oli w’oruganda wetereho ekigendererwa eky’okufooka muheereza omu kitebe.
6. Wegondeze omu bwomeezi ebiro n’ebiro!
Musome Zabuli 22:26, hanyuma mubazeeho ekikaguzo kinu:
Kiki eky’osobora kukora kwegondeza omu bwomeezi hati, n’ebiro byona?
OYEGERE KI?
Ikara n’ogumya enkoragana yaawe na Yahwe kandi n’oyeteraho ebigendererwa eby’omwoyo. Hanyuma noija kwegondeza omu bwomeezi hati, n’ebiro byona!
Kweijukyamu
Habwaki n’osobora kukigumya ngu Yahwe naija kukukonyera kumuheereza n’obwesigwa?
N’osobora ota kugumya enkoragana yaawe na Yahwe?
Kweteraho ebigendererwa eby’omwoyo nikisobora kita kukukonyera kukurakurana omu by’omwoyo?
SERULIIRIZA
Kiki ekirukukirayo obukuru hali Yahwe, kukora ekintu kimu eky’amaani kwoleka ngu nitumugonza rundi kwikara tuli besigwa hali uwe obwomeezi bwaitu bwona?
Omuheereza wa Yahwe omwesigwa nauwe okusemererwa nikusobora kumuhwaho. Rora omulingo osobora kukugarraho.
N’osobora Kwongera Kusemererwa Kurabira omu Kwesomesa n’Okucumitiriza (5:25)
N’osobora ota kweteraho ebigendererwa eby’omwoyo kandi okabihikiriza?
“Kozesa Ebigendererwa eby’Omwoyo Kukugiza Omuhangi Waawe” (Watchtower, eya Julaayi 15, 2004)
Habwaki kikuru kufooka Omukristaayo anyakukuzire omu by’omwoyo, kandi n’osobora kukikora ota?
“Kurakurana omu by’Omwoyo—‘Ekiro kya Yahwe Ekikuru Kiriire Haihi’” (Watchtower, eya Maayi 15, 2009)