Amagezi Tusobora Kukozesa omu Kwesomesa

Kwata “Ebizina Byaitu” omu Mutwe

“Obumba nyenuubire, Yahwe angarramu amaani nakozesa ebizina ebiturukira omu JW Broadcasting^®.”​—Lorraine, U.S.A.

“Ebizina byaitu” nabyo biri kicweka ky’okuramya kwaitu. (Bak. 3:16) Obworabikwata omu mutwe nibiija kukukonyera n’obworukuba otaine ekitabu ky’ebizina rundi otaine ekyoma kyakalimagezi. Lengaho kukozesa amagezi ganu.

• Soma ebigambo n’obwegendereza kandi oyetegereze amakuru gabyo. Obworayetegereza amakuru gabyo, nikiija kukwanguhira kubiijuka. Ebigambo ebiri omu bizina byaitu byona otwaliiremu eby’abaana n’ebiturukira omu JW Broadcasting^®, nibisangwa ha jw.org. Genda ha Laiburale, nambere hali Ebizina.

• Handiika ebigambo ha rupapura. Kinu nikiija kukukonyera kubikwata omu mutwe.​—Bir. 17:18.

• Werengesemu omu iraka erirukuhulirwa. Ikara n’osoma rundi n’ozina ekizina emirundi nyingi.

• Lengaho kurora obworaaba nobiijuka. Lengaho kwijuka ebigambo otarukurora ha rupapura, kandi hanyuma orole obworaaba obikwasire.