Serra eby’Omuhendo eby’Osobora Kuteeka omu Nkora

Obutusoma Baibuli, nitusobora kuserra eby’omuhendo ebirumu kuraba omu kuseruliiriza. Baitu nitusobora tuta kweyongera kugasirwa?

Seruliiriza ha byorukusoma. Ekyokurorraho, manya nooha ayabihandiikire, akaba nabihandiikira oha, n’akasumi obuyabihandiikire. Nyikara ki eyiyabihandikiiremu, kiki ekyabaireho atakabihandiikire na hanyuma y’obukubihandiika?

Tekerezaaho amasomo ag’orukwega kuraba omu kuseruliirizaaho abantu ababaziibweho kandi wekaguze: ‘Bakehurra bata? Bakooleka miringo ki? Habwaki nsemeriire kukurakuraniza emiringo egi rundi kugyetantara?’

Teeka omu nkora ebyoyegere obworukuba oli omu buheereza, rundi n’okoragana n’abantu abandi. Obworakora eki, noija kwoleka ngu oli w’amagezi habwokuba Baibuli egamba ngu: “Anyakuina amagezi alita omutima ha bigambo binu.”—Zab. 107:43.

• Eky’osobora Kukora: Wetegereze omulingo ekicweka Ebiturukwega Kuruga omu Baibuli ekiri omu katabu k’ensorrokano kitukonyera kutekerezaaho omulingo tusobora kuteeka omu nkora ebitwegere. Ekicweka kinu kibamu ebikaguzo ebitusobora kwekaguza, eky’okwecumiitirizaaho hamu n’ebisisani ebirukwegesa.