Kiɗ ngeel maa de woore maa frug nen wããre Baa

Ndo de sãy da’ge wer fruggi nen wããre Baa maaga ndo boŋ ɓo de peel ni yawlà? Joŋre maa ti’ wo glog la kay wo ndo maa kaŋ ɗiggi ti fruggi nen wããre ɓon de woore:

• Kiɗ ngeel maa de woore. Hayga á joŋ yaŋ no, kiɗ ngeel maaga ɗag bay ni wa, lan ga nen ɓo yaŋ go koge de woore no. Ndo mbo de kããge maa hayge ti table, noga kiɗ ngeel maa de woore siigi maaga ndo hay ni.

• Kiɗ maaga ndo mo hay boŋ ɓo. Yeso hay da tosge de “jag toŋ mbuh”, ti “ngeel maga jar bay ni wa, maga se mo hay fentray ɓe boŋ”. (Mark 1:35) Hayga ndo da’ ngeel sen we ga no, wii jar maa liŋ ni ɓay wo ga ndo de sãy frug nen wããre Baa ti, day kam ra ga á mo ngar wo jag wa.

• Kaŋ ɗiggi ɓo ti hadge no. Men fẽẽre hãy ɗiggi ɓo wa. Hayga ndo yaŋ joŋ joŋre de telefon, noga de tabled de maaga ndo de frug nen wããre Baa no, ɓo’n ti ‘mode silencieux’, noga ti ‘mode avion’ maaga á mo hãy mo wa. Hayga fẽn po maa joŋge a we ne ndo ti no, yer ne, ni ndo joŋ ne blam hadge no. Hayga ɗiggi ɓo bay we kaŋge ti hadgen wa no, ni ndo ig me’, noga mbeɗ see ɓo go me’ ɗa.