Bag jag see ɓo go taŋgu maaga ndo frug nen Wããre Baa

De maga naa frug nen Wããre Baa mono, naa da ga ɗiggi maani Jeofan mo du’ jiili naa. Esdras ngaɓ saɓlaŋ maa de woore ne naa ti ɓaŋ sen de maaga á hay “bag jag see ɓe go maa kiɗ wer jag liŋgi maani Jeofa no.” (Esdras 7:​10, TMN) Naa joŋ doo Esdras no lay na joŋge là?

Tos Jeofa. Taŋgu maaga ndo tĩĩ wer frug nen wããre Baa mono, tos ɗa. Wii Jeofa ga á mo kay mo maa laa wer ɓe, lan maa joŋ joŋre de fẽn maaga ndo hadn mono.—Siŋ. 119:​18, 34.

Hay fer ti see ɓo gesiŋ. Jeofa yoŋ cwãy do jar maaga far wo ti see ɓaara ciŋ, lan ɗig wo ga saara bay de sãy kayge Baa ti maa laa wer Bible wa mono. (Lug 10:21) Wersen, naa mo hay frug nen Wããre Baa bay diŋ maa ngaɓge ne jar ga, naa de ko wer ne Bible debaŋ wa. Ni pa mono, coo ɗiggi ɓo de fer ti gesiŋ hayga, ndo ko we ga ɗiggi ɓo bay seege wer maani Baan wa no.

Laa siŋ maa ti Twaywaŋ wo. Jõõ wo mbaara de kããge maa du’ jiili naa, maa bag jag see naa go de woore maa togoɗ Jeofa. Hayga ndo laa siŋ maa ti Twaywaŋ po we taŋgu maaga ndo frug nen Bible no, maapo ga sen kay mo maa bag jag see ɓo go de woore.