Ngeel naa wer wo

Ngeel naa wer maa ɓil La Bible:Traduction du monde nouveau ngaɓ ɗeŋ maaga verse wo de tabge mono. Á ngaɓ verse maa tigriŋ ga wãã wo ti fẽn po boŋ, lan naa wo wer fẽẽre maa tigriŋ wo de pel ni. Maa da’ ngeel naa wer mono, taŋgu tu, ko leder maa mẽ’ ti jeŋ wããre po. Ɓil Bible maa do naan wo mono, à da’ ngeel naa wern wo ti gisiɗgi paaje no. Ɓil Bible maa do naan wo pa mono, kiɗ leder sen ti gisiɗgi paajen maa da’ verse maaga wo de tabge mono. Ɓil jw.org noga ɓil JW Library^® mono, du’ leder maa mẽ’ maa ti jeŋ wããren maa da’ verse maaga wo de tabge mono.

Ngeel naa wer kay wo ndo maa laa wer ne wããre maa ti’ wo blam la no:

Mbaa maa de far kẽẽ wo: Ngeel naa wer sen wãã ti mbaa po boŋ, ga à da’n ɓil kefder maa tigriŋ. Ba doo ga 2 Samyel 24:1 wo de tabge de 1 Kronig 21:1.

Keege wããre: Ngeel naa wer sen ngaɓ maaga wããre po a le genla. Ba doo ga, wããre maaga Yeso wãã ɓil Matiye 4:4 a le ɓil Dogge Jag liŋgi 8:3.

Bagge jag profesi no: Ngeel naa wer sen ngaɓ ɗeŋ maaga profesi sen bag jag go mono. Ba doo maaga wããre maa ɓil Sakari 9:9 bag jag go ɓil Matiye 21:5.