Ɗeŋ maa frug nen wããre Baa

Ndo mo had taŋgu tu diŋ maylà?

Naa ɓuy wur bay do naa pur maa frug nen wããre Baa wa. Ndo joŋ joŋre de wur maa do ɓo me’n maa da’ mopo nen fruggi nen wããre Baa ɓon na joŋge là? Taŋgu ɗa mono, ɗee de jaŋgen wa. Ndo da’ wer jaŋge maa me’ debaŋ, ga ndo jaŋ see ta’a, de daŋ maa puri, ga ndo jaŋ deparday mono.

Blam, ko fẽẽre maaga ndo de sãy ɓaara ti de daŋ lan wo mono (Efe. 5:15, 16). Ko ɗeŋ po wo mo ti’ la ɗa:

• Jaŋ Bible tum tum (Siŋ. 1:2). Program maa ti taygeti seele kretiyẽ wo de siigi wããre Baa wo de woore maa tĩĩ wer jaŋge Bible.

• Bag jag see ɓo go de woore see hadge Ngeel gor ti jare wo de taygeti seele kretiyẽ wo de siigi wããre Baa. Bag jag see ɓo go de woore nen maaga ndo mo fer wããre ti taygeti.—Siŋ. 22:22.

• De maaga wur yaŋ do ɓo no, hay men rege maa ti nenterse maa lan wo go wa, doo kefder naa wo, videyo wo, lan fẽẽre maa ɓil jw.org wo no.

• Hay fruggi diŋ nen fẽẽre maaga kay wo ndo yaŋ mono. Ndo da we no, ndo frug nen wããre ti re po maaga ndo nen ɓe, ti wiigi jag po maaga jag ɓo, noga ti wããre maa ɓil Bible po ga ndo da laa wer go ne hẽn de woore. Maa da’ fẽẽre maaga ndo frug nen ɓaara yaŋ mono, kal ɓil jw.org, raw ti ngeel “Explore la Bible.”