13 Wonani, Yehova wakaŵa pachanya pa makwelero, ndipo wakati:

“Ndine Yehova, Chiuta wa sekuru wako Abrahamu na Chiuta wa Yisake.+ Charu icho wagonapo, nichipelekenge kwa iwe na mphapu* yako.+ 14 Mphapu* yako yizamuŵa nadi nga ni fuvu la charu chapasi,+ ndipo uzamuthandazgikira kumanjiliro gha dazi na kumafumiro gha dazi, kweniso kumpoto na kumwera. Mbumba zose za pa charu chapasi zizamutumbikika* kwizira mwa iwe na mphapu* yako.+