9 Kweni Sara wakawonanga mwana uyo Hagara+ Mueguputo wakababira Abrahamu, wakuseka Yisake.+

13 Ntheura, Ŵaeguputo ŵakachichizga Ŵaisrayeli kugwira ntchito ya wuzga.+ 14 Ŵakaŵinyiska umoyo wawo pakuŵagwiliska ntchito yinonono ya kukanda dongo na kuwumba njerwa, ndiposo ntchito za wuzga zakupambanapambana za mu minda. Ntchito yose iyo ŵakaŵagwiliskanga yikaŵa yinonono, ya wuzga.+

7 Yehova wakatiso: “Nawona nadi visuzgo vya ŵanthu ŵane awo ŵali mu Eguputo, napulika kulira kwawo chifukwa cha awo ŵakuŵagwiliska ntchito mwankhaza. Nkhumanya makora vyakuŵinya vyawo.+

6 Kweniso, Chiuta wakamuphalira kuti mphapu* yake yizamukhala mu charu chaŵene ndipo ŵanthu ŵazamuŵazgora ŵazga na kuŵayuzga* vyaka 400.+ 7 Chiuta wakati: ‘Kweni nizamuweruzga mtundu uwo ŵazamuwuteŵetera nga mbazga,+ ndipo pamanyuma pa vinthu ivi, ŵazamufumamo na kunichitira uteŵeti wakupatulika mu malo agha.’+