5 ‘Mutore chakupeleka kufuma pakati pinu na kupeleka kwa Yehova.+ Waliyose uyo wakhumba mu mtima wake+ wize na chakupeleka kwa Yehova. Wize na golide, siliva, mkuŵa, 6 wuzi wabuluu, weya wakudaya na utoto utchesamu, wuzi uswesi chee, salu yiwemi, weya wa mbuzi,+ 7 vikumba vya mberere vyakudaya na utoto uswesi, vikumba vya katubwi, khuni la akasiya, 8 mafuta gha nyali, mafuta gha basamu ghakupangira mafuta ghakuphakazgira na vyakupeleka vyakununkhira,+ 9 malibwe gha onike, na malibwe ghakuŵika pa efodi+ na chakuvwara chapanganga.+

7 Waliyose wachite umo wadumulira mu mtima wake, mwakukwenyelera* yayi panji mwakuchichizgika,+ chifukwa Chiuta wakutemwa uyo wakupeleka mwakukondwa.+