LAYIBULARE YA PA INTANETI ya Watchtower

LAYIBULARE YA PA INTANETI ya Watchtower

LAYIBULARE YA PA INTANETI

Maŵazgo 14:9

Malemba Ghakupatulika mu Mang’anamuliro gha Charu Chiphya
- 9 Kweni mungagalukiranga Yehova chara, ndipo mungawopanga yayi ŵanthu ŵa mu charu+ ichi, chifukwa iwo ni chingwa chithu.* Chivikiliro chawo chafumiskikako kwa iwo, ndipo Yehova wali nase.+ Mungaŵawopanga yayi.”

Dotoronome 20:3

Malemba Ghakupatulika mu Mang’anamuliro gha Charu Chiphya
- 3 Waŵaphalire kuti: ‘Pulikani imwe Ŵaisrayeli, sono muli pafupi kurwa nkhondo na ŵalwani ŵinu. Mitima yinu yingalopwanga chara. Mungawopanga yayi, kutenthema panji kumbwambwantha chifukwa cha iwo,

2 Midauko 20:15

Malemba Ghakupatulika mu Mang’anamuliro gha Charu Chiphya
- 15 Wakati: “Pulikizgani imwe Ŵayuda mose, imwe mukukhala mu Yerusalemu, na themba Yehoshafati! Yehova wakuti kwa imwe: ‘Mungawopanga chara panji kutenthema chifukwa cha wumba ukuru uwu. Pakuti nkhondo njinu chara kweni nja Chiuta.+

2 Midauko 20:17

Malemba Ghakupatulika mu Mang’anamuliro gha Charu Chiphya
- 17 Mwamukhumbikwira kurwa nkhondo chara. Muŵe mu malo ghinu, mwimilire waka chete,+ muwone chiponosko cha Yehova kwa imwe.*+ Iwe Yuda na Yerusalemu, mungawopanga chara panji kutenthema.+ Namachero lutani mukarwe nawo, ndipo Yehova waŵenge namwe.’”+

Salimo 27:1

Malemba Ghakupatulika mu Mang’anamuliro gha Charu Chiphya
- 27 Yehova ni ungweru+ wane na chiponosko chane.
  
  Kasi niwopenge njani?+
  
  Yehova ni linga lakukhora la umoyo wane.+
  
  Kasi nitenthemenge na njani?

Salimo 46:1

Malemba Ghakupatulika mu Mang’anamuliro gha Charu Chiphya
- 46 Chiuta ntchiphokwero chithu na nkhongono zithu,+
  Movwiri wakugomezgeka mu nyengo ya suzgo.+

Yesaya 41:10

Malemba Ghakupatulika mu Mang’anamuliro gha Charu Chiphya
- 10 Ungawopanga yayi, pakuti nili nawe.+
  
  Ungenjerwanga chara, pakuti ndine Chiuta wako.+
  
  Nikukhozgenge, enya, nikovwirenge,+
  Nikukolenge na woko lane lamalyero laurunji.’