14 Ndipo wakiza na ng’ombe yanalume ya sembe ya kwananga. Aroni na ŵana ŵake ŵakaŵika mawoko ghawo pa mutu wa ng’ombe yanalume ya sembe ya kwananga.+ 15 Mozesi wakayikoma na kutora ndopa+ ku munwe wake, wakaziphaka pa masengwe agho ghali pa jotchero, wakatuŵiska jotchero ku kwananga. Kweni ndopa izo zikakhalapo wakathira musi mwa jotchero kuti walituŵiske na kuphepiskirapo. 16 Kufuma apo, wakatora mafuta ghose gha mu matumbo, icho chikudemelera ku chiŵindi, na ziso ziŵiri na mafuta ghake, ndipo Mozesi wakaviwotcha pa jotchero.+ 17 Wakatora ng’ombe yose, chikumba chake, nyama, na ulongwe, wakaviwotchera kuwaro kwa msasa,+ nga umo Yehova wakaphalilira Mozesi.