4 Kweni mungaryanga nyama lumoza na umoyo wake yayi,+ uwo ni ndopa zake.+

17 “‘Ili ni dango lamuyirayira mu miwiro yinu yose, kulikose uko mukukhala, lakuti: Mungaryanga chara mafuta panji ndopa.’”+

10 “‘Usange munthu wa mu nyumba ya Israyeli panji mulendo uyo wali mukati mwinu wakurya ndopa+ za mtundu uliwose, chisko chane chimikanenge nayo munthu uyo wakurya ndopa, ndipo nimudumulengeko* ku ŵanthu ŵakwake.

16 Kweni mungaryanga yayi ndopa.+ Muzithire pasi nga ni maji.+

33 Sauli wakaphalirika kuti: “Wonani, ŵanthu ŵakunangira Yehova, ŵakurya nyama na ndopa wuwo.”+ Iyo wakati: “Mwachita mwambura kugomezgeka. Kunkhuzgirani chilibwe chikuru kwa ine mwaluŵiro.”

20 Kweni tiŵalembere kuti ŵaziŵizge vinthu vyakukazuzgika na vikozgo,+ uzaghali,*+ vyakunyonga,* na ndopa.+

29 kuti mulutilire kuziŵizga vinthu vyakupelekeka sembe ku vikozgo,+ ndopa,+ vyakunyongeka,*+ na uzaghali.*+ Vimuŵiraninge makora usange muziŵizgenge vinthu ivi. Tikumukhumbirani umoyo uwemi!”*