20 “Sembe iyo Aroni na ŵana ŵake ŵapelekenge kwa Yehova pa zuŵa ilo wakuphakazgikira,+ ni iyi: ufu uwemi wakukwana chimoza cha vigaŵa 10 vya efa*+ kuŵa sembe ya vyamuminda ya nyengo zose,+ hafu yimoza mulenji, hafu yinyake mise. 21 Yikazingike na mafuta pa jonjo.+ Wize nayo yakusazgika makora mafuta na kuyipeleka nga tuvingwa twakukazingika twa sembe ya vyamuminda kuŵa sungu liwemi* kwa Yehova.