22 “‘Sono usange mwapuvya ndipo mwatondeka kulondezga malango ghose agha, agho Yehova waphalira Mozesi, 23 vyose ivyo Yehova walangura kwizira mwa Mozesi kufuma mu zuŵa ilo Yehova wakaviyowoyera kuya munthazi mu miwiro yinu yose, 24 ndipo usange ubudi wachitika kwambura wumba kumanya, ipo wumba wose wize na kang’ombe kanalume kamoza kuŵa sembe yakotcha ya sungu liwemi* kwa Yehova. Wizeso na sembe ya vyamuminda na sembe ya chakumwa kuyana na ndondomeko yake,+ kweniso kambuzi kamoza kuŵa sembe ya kwananga.+