39 Ntheura Eliyazara wasembe wakatora majonjo ghamkuŵa, agho ŵanthu awo ŵakawotcheka na moto ŵakiza nagho, wakaghadinya na kupanga tunthu uto wakabatika kuwaro kwa jotchero, 40 nga umo Yehova wakamuphalilira kwizira mwa Mozesi. Chikaŵa chikumbusko ku Ŵaisrayeli kuti munthu wambura kuzomerezgeka uyo ngwa mphapu ya Aroni yayi, waleke kwiza pafupi kuti wapeleke vyakununkhira pamaso pa Yehova.+ Kweniso kuti paŵavye munthu waŵe nga ni Kora na ŵanyake.+

19 Kweni Chiuta wakatimba ŵanthu ŵa ku Beti-shemeshi, chifukwa ŵakalingizga mu Likasa la Yehova. Wakakomapo ŵanthu 50,070.* Ŵanthu ŵakamba kutengera chifukwa Yehova wakaŵakoma na kukoma kukuru.+

16 Kweni wakati waŵa na nkhongono, wakajikuzga mu mtima wake kujipweteka yekha. Wakachita mwambura kugomezgeka pamaso pa Yehova Chiuta wake, wakanjira mu tempile la Yehova na kotcha vyakununkhira pa jotchero la vyakununkhira.+

18 Ŵakamususka Uziya themba, ŵakati kwa iyo: “Ntchakwenelera yayi kwa iwe, Uziya, kotcha vyakununkhira kwa Yehova.+ Ŵasembe pera ndiwo ŵakwenera kotcha vyakununkhira pakuti mba mphapu ya Aroni,+ ndipo ŵali kutuŵiskika. Fumamo mu malo ghakupatulika. Wachita mwambura kugomezgeka ndipo chifukwa cha ichi upokerenge uchindami chara kufuma kwa Yehova Chiuta.”