23 Sihoni wakazomerezga yayi kuti Israyeli wajumphe mu chigaŵa chake. Kweni Sihoni wakawunganya ŵanthu ŵake wose ndipo wakafuma kukalimbana na Israyeli mu mapopa. Wakafika ku Yahazi na kwamba kurwa na Israyeli.+ 24 Israyeli wakamuthereska na lupanga,+ ndipo wakapoka charu chake+ kwambira ku Arinoni+ m’paka ku Yaboku,+ kufupi na Ŵaamoni. Pakuti Yazeri+ ndiyo yikaŵa mphaka ya chigaŵa cha Ŵaamoni.+

12 Agha ni mathemba gha charu agho Ŵaisrayeli ŵakaghathereska na kupoka charu chawo kumafumiro gha dazi kwa Yorodani, kwamba ku Dambo la Arinoni+ m’paka ku Phiri la Heremoni+ na Araba yose kulazga kumafumiro gha dazi:+ 2 Sihoni+ themba la Ŵaamori, uyo wakakhalanga ku Heshiboni, ndipo wakawusanga Aroyeri,+ mumphepete mwa Dambo la Arinoni,+ ndiposo kwamba pakatikati pa dambo, na hafu ya chigaŵa cha Giliyadi m’paka ku Dambo la Yaboku, mphaka ya Ŵaamoni.