13 “‘Vyamoyo vyakuduka muchanya ivyo mukwenera kuvinyanyara na kuleka kurya chifukwa ni vyakuseluska ni ivi: nombo,+ nkhwazi, makuŵi ghafipa,+ 14 kamukuŵezi muswesi, na mtundu uliwose wa kamukuŵezi mufipa, 15 mtundu uliwose wa chaholi, 16 nthiŵatiŵa, phuluru, mbuyi, mtundu uliwose wa lohera, 17 phuluru muchoko, njoyo, phuluru wa makutu ghatali, 18 baka la mu maji, nyangenyange, makuŵi, 19 konongo, mtundu uliwose wa mung’ombwa*, gwede, na kasuska. 20 Twamoyo tose twamapapindo* uto tukwenda mu magulu ndipo tukwendera malundi ghanayi, tuŵenge twakuseluska kwa imwe.