LAYIBULARE YA PA INTANETI ya Watchtower

LAYIBULARE YA PA INTANETI ya Watchtower

LAYIBULARE YA PA INTANETI

Dotoronome 15:10

Malemba Ghakupatulika mu Mang’anamuliro gha Charu Chiphya
- 10 Umupeko kanthu mwawanangwa, ndipo ungamupanga*+ mwakukwenyelera yayi. Pa chifukwa ichi lekani Yehova Chiuta wako wamukutumbika mu milimo yose na pa vyose ivyo ukuchita.+

Salimo 41:1

Malemba Ghakupatulika mu Mang’anamuliro gha Charu Chiphya
- 41 Ngwakukondwa yose uyo wakughanaghanira munthu wakuyuyuka.+
  Yehova wamuthaskenge mu zuŵa la soka.

Zintharika 11:24

Malemba Ghakupatulika mu Mang’anamuliro gha Charu Chiphya
- 24 Munthu munyake wakupeleka mwawanangwa* ndipo wakusanga vinthu vinandi.+
  Munyake wakukanilira ivyo wakwenera kupeleka, kweni wakukavuka.+

Zintharika 19:17

Malemba Ghakupatulika mu Mang’anamuliro gha Charu Chiphya
- 17 Uyo wakulongora lusungu kwa mukavu wakubwerekeska Yehova,+
  Ndipo wamuwezgerenge* pa ivyo wachita.+

Malaki 3:10

Malemba Ghakupatulika mu Mang’anamuliro gha Charu Chiphya
- 10 Zaninge navyo vyakhumi vyose mu nyumba yakusungiramo,+ kuti mu nyumba yane muŵe chakurya.+ Niyezgani pa nkhani iyi,” ndimo wayowoyera Yehova wa mawumba, “muwone usange nilekenge kumujulirani vipata vyakuchanya+ na kumupungulirani* vitumbiko m’paka musoŵe pakusunga.”+

Luka 6:35

Malemba Ghakupatulika mu Mang’anamuliro gha Charu Chiphya
- 35 Kweni lutilirani kutemwa ŵalwani ŵinu na kuŵachitira viwemi, na kukongozga kwambura kulindilira kanthu kalikose.+ Njombe yinu yizamuŵa yikuru, ndipo muzamuŵa ŵana ŵa Wapachanya Nkhanira, chifukwa iyo wakuchitira lusungu ŵambura kuwonga na ŵaheni.+