LAYIBULARE YA PA INTANETI ya Watchtower

Ekisodo 22:25

Malemba Ghakupatulika mu Mang’anamuliro gha Charu Chiphya
- 25 “Usange yumoza wa ŵanthu ŵane ŵakavu* awo mukukhala nawo mwamubwereka ndalama, mungaŵanga nga ni munthu wakusangirapo chandulo* yayi. Mungamulipiskanga yayi ndalama yapachanya.+

Levitiko 25:36, 37

Malemba Ghakupatulika mu Mang’anamuliro gha Charu Chiphya
- 36 Ungapokerangapo chapachanya yayi panji kusangirapo chandulo pa iyo.+ Wopenge Chiuta wako.+ Ndipo mubali wako waŵenge wamoyo. 37 Ungamukongozganga ndalama zako kuti upokerepo yapachanya chara,+ nanga nkhumupa chakurya kuti usangirepo chandulo.

Nehemiya 5:10

Malemba Ghakupatulika mu Mang’anamuliro gha Charu Chiphya
- 10 Nakuti, ine, ŵabali ŵane, na ŵateŵeti ŵane tikuŵabwereka ndalama na chakurya. Nkhumuŵeyani, tiyeni tileke kubwerekeska vinthu na kusangirapo chapachanya.+

Salimo 15:5

Malemba Ghakupatulika mu Mang’anamuliro gha Charu Chiphya
- 5 Wakubwerekeska ndalama zake kuti wasangirepo zapachanya chara,+
  Wakupokera chara chimbundi pa munthu wambura mulandu.+
  
  Munthu uyo wakuchita vinthu ivi wasunkhunyikenge chara.+