2 Sihoni+ themba la Ŵaamori, uyo wakakhalanga ku Heshiboni, ndipo wakawusanga Aroyeri,+ mumphepete mwa Dambo la Arinoni,+ ndiposo kwamba pakatikati pa dambo, na hafu ya chigaŵa cha Giliyadi m’paka ku Dambo la Yaboku, mphaka ya Ŵaamoni. 3 Wakawusangaso ku Araba m’paka ku Nyanja ya Kinereti*+ chakumafumiro gha dazi gha Nyanja ya Araba, Nyanja Yamchere,* kumafumiro gha dazi kulazga ku Beti-yeshimoti na kumwera musi mwa vikhizga vya Pisiga.+