6 Muvilondezge mwakupwelelera,+ pakuti mwamuwoneka ŵavinjeru+ na ŵakupulikiska+ pamaso pa ŵanthu awo ŵamupulika vya malango ghose agha. Ndipo ŵamuyowoya kuti: ‘Ŵanthu ŵa mtundu ukuru uwu mbanthu ŵavinjeru na ŵakupulikiska nadi.’+

18 mukakumbuke kuti Yehova Chiuta winu ndiyo wamupani nkhongono zakusangira usambazi,+ mwakuti wafiske phangano ilo wakalapa ku ŵasekuru ŵinu, nga umo viliri muhanya uno.+

7 “Kweni khwima mtima na kuŵa wankhongono chomene na kusungilira mwakupwelelera Dango lose ilo Mozesi muteŵeti wane wakakuphalira. Ungapatukangako chara, kulazga kumalyero panji kumazere,+ mwakuti uchite vinthu mwavinjeru kulikose uko ukuluta.+ 8 Buku ili la Dango lingafumangapo chara pa mulomo wako,+ uŵazgenge na kughanaghanirapo* muhanya na usiku, mwakuti uchitenge mwakupwelelera vyose ivyo vili kulembekamo.+ Para wachita nthena, vinthu vikwenderenge makora, ndipo uchitenge mwavinjeru.+

3 Upulikire Yehova Chiuta wako na kwenda mu nthowa zake, usunge fundo zake, malango ghake, vyeruzgo, na vikumbusko vyake nga umo vili kulembekera mu Dango la Mozesi.+ Apo ndipo vikwenderenge makora vyose ivyo ukuchita na kose uko ukuzgokera.

28 Kweni iyo wakati: “Chara, kweni ŵakukondwa ni awo ŵakupulika mazgu gha Chiuta na kughasungilira!”+