13 Samuyeli wakati kwa Sauli: “Wachita uchindere. Undapulikire dango ilo Yehova Chiuta wako wakakupa.+ Upulikirenge, mphanyi Yehova wakhozga ufumu wako pa Israyeli muyirayira. 14 Kweni sono ufumu wako ukhorenge chara.+ Yehova wasangenge munthu wakukolerana na mtima wake.+ Yehova wamwimikenge kuŵa mulongozgi pa ŵanthu ŵake,+ chifukwa iwe undapulikire ivyo Yehova wakakuphalira.”+

27 Apo Samuyeli wakazgokanga kuti walutenge, Sauli wakakora mu msono wa munjilira wa mawoko ghafupi wa Samuyeli, kweni ukapaluka. 28 Penepapo Samuyeli wakati kwa iyo: “Yehova wapalurako uthemba wa Israyeli kwa iwe muhanya uno, ndipo wawupelekenge kwa munyako uyo ni muwemi kuluska iwe.+

16 Yehova wakati kwa Samuyeli: “Kasi utengelerenge Sauli+ m’paka pawuli, pakuti sono namukana kuti wawuse nga ni themba pa Israyeli?+ Zuzga sengwe lako na mafuta,+ unyamuke. Nikutumenge kwa Yese+ Mubetelehemu, chifukwa najisolera themba pa ŵana ŵake.”+

12 Ntheura wakatuma munthu kukamuchema na kwiza nayo. Sono munyamata wakaŵa muswesi, wakaŵa na maso ghakutowa, ndiposo wakuwoneka makora.+ Penepapo Yehova wakati: “Wuka, umuphakazge, pakuti ni mweneyuyu.”+