10 Pa chifukwa ichi, nkhukhizgira soka pa nyumba ya Yerobowamu, ndipo niparanyenge* Yerobowamu na mwanalume waliyose,* na awo ŵakusoŵa pakukora na ŵakulopwa mu Israyeli. Niphyerengepo nyumba ya Yerobowamu,+ nga ni munthu uyo wakukokota ulongwe* m’paka wose umare.

25 Nadabu+ mwana wa Yerobowamu wakaŵa themba la Israyeli mu chaka chachiŵiri cha Asa themba la Yuda. Wakawusa Israyeli vyaka viŵiri. 26 Wakachita uheni pamaso pa Yehova na kwenda mu nthowa ya awiske+ na mu kwananga kwawo, uko ŵakanangiska nako Israyeli.+ 27 Basha mwana wa Ahiya wa mu nyumba ya Isakara wakamuchitira chiŵembu. Basha wakamukomera pa Gibetoni,+ uyo wakaŵa wa kwa Ŵafilisiti, peneapo Nadabu na Israyeli yose ŵakazingilizga Gibetoni. 28 Ntheura Basha wakakoma Nadabu mu chaka chachitatu cha Asa themba la Yuda ndipo wakaŵa themba mu malo ghake. 29 Wakati waŵa themba, wakakoma wose ŵa nyumba ya Yerobowamu. Wakalekapo yayi nanga njumoza wakuthuta wa kwa Yerobowamu, m’paka wakaŵamara kuyana na mazgu agho Yehova wakayowoya kwa muteŵeti wake Ahiya Mushilo.+

22 Ŵanthu ŵa Israyeli ŵakenda mu zakwananga zose izo Yerobowamu wakachita.+ Ŵakapatukako chara 23 m’paka Yehova wakawuskapo Israyeli pamaso pake, nga umo wakayowoyera kwizira mu ŵateŵeti ŵake, zintchimi.+ Ntheura Israyeli wakafumako ku charu chake, wakatolekera ku wuzga ku Asiriya+ uko wali m’paka lero.