LAYIBULARE YA PA INTANETI ya Watchtower

LAYIBULARE YA PA INTANETI ya Watchtower

LAYIBULARE YA PA INTANETI

2 Samuyeli 7:8

Malemba Ghakupatulika mu Mang’anamuliro gha Charu Chiphya
- 8 Sono ukayowoye ichi kwa muteŵeti wane Davide: ‘Yehova wa mawumba wakuti: “Nkhakutora ku malo ghakuliskako viŵeto, uko ukalondezganga miskambo,+ kuti uŵe mulongozgi wa ŵanthu ŵane Israyeli.+

2 Samuyeli 7:12

Malemba Ghakupatulika mu Mang’anamuliro gha Charu Chiphya
- 12 Para mazuŵa ghako ghamara,+ ndipo wagona na ŵasekuru ŵako, nizamuwuska mphapu* yako pamanyuma pako, mwana wako,* ndipo nizamukhozga ufumu wake.+

1 Midauko 29:23

Malemba Ghakupatulika mu Mang’anamuliro gha Charu Chiphya
- 23 Solomoni wakakhala pa chitengo+ cha Yehova nga ni themba mu malo gha Davide wiske, ndipo vinthu vikamwenderanga makora. Ŵaisrayeli wose ŵakamupulikiranga.

2 Midauko 1:1

Malemba Ghakupatulika mu Mang’anamuliro gha Charu Chiphya
- 1 Solomoni mwana wa Davide wakalutilira kuŵa wankhongono mu uthemba wake. Yehova Chiuta wake wakaŵa nayo ndipo wakamukuzga chomene.+

Salimo 89:36, 37

Malemba Ghakupatulika mu Mang’anamuliro gha Charu Chiphya
- 36 Mphapu* yake yikhalilirenge muyirayira,+
  Chitengo chake chaufumu chikhalilirenge nga ni dazi panthazi pane.+
  
  37 Chikhozgekenge muyirayira nga ni mwezi,
  Nga ni kaboni wakugomezgeka mu mlengalenga.” (Selah)

Salimo 132:12

Malemba Ghakupatulika mu Mang’anamuliro gha Charu Chiphya
- 12 Usange ŵana ŵako ŵakusungilira phangano lane
  Na vikumbusko ivyo nkhuŵasambizga,+
  Mbwenu ŵana ŵawo nawo,
  Ŵazamukhala pa chitengo chako muyirayira.”+