Nkhukoma na kupa umoyo.+

32 Elisha wakati wanjira mu nyumba, wakasanga msepuka wakufwa yura ŵamugoneka pa bedi lake.+

34 Kufuma apo, wakakwera pa bedi, wakagona pa mwana ndipo wakadomeka mulomo wake pa mulomo wa mwana, maso ghake pa maso ghake, na vikufi vyake pa vikufi vyake. Wakafukatira msepuka, ndipo thupi lake likamba kuthukira.+

21 Apo ŵanthu ŵanyake ŵakasunganga munthu wakufwa, ŵakawona gulu la ŵakuwukira likwiza, ndipo mwaluŵiro ŵakamuponya munthu yura mu dindi la Elisha na kuchimbira. Munthu yura wakati wakhwaska viwangwa vya Elisha, wakazgoka wamoyo+ na kwimilira pa malundi ghake.

15 Munthu wakufwa yura wakawuka na kwamba kuyowoya, ndipo Yesu wakamupeleka kwa anyina.+

54 Kweni iyo wakakora mwana pa woko na kumuchema kuti: “Msungwana, wuka!”+ 55 Ndipo mzimu* wake+ ukaweleramo, ndipo nyengo yeneyiyo wakawuka.+ Yesu wakati mwana ŵamupe kanthu kakuti warye.

28 Kuzizwa chara na ichi, chifukwa ora likwiza ilo wose awo ŵali mu madindi* ŵazamupulika mazgu ghake+ 29 na kufumira kuwaro, awo ŵakachitanga vinthu viwemi ŵazamuwukira ku umoyo, awo ŵakachitanga vinthu viheni ŵazamuwukira ku cheruzgo.+

44 Munthu uyo wakaŵa wakufwa wakafuma, malundi na mawoko ghake ghakukakika na salu, ndipo chisko chake chikavungika na salu. Yesu wakati kwa iwo: “Musuturani ndipo mulekani walutenge.”

40 Petrosi wakafumiskira waliyose kuwaro,+ ndipo wakati wajikama, wakalomba. Wakazgokera ku chitanda, wakati: “Tabita, wuka!” Tabita wakajura maso ghake ndipo wakati wawona Petrosi, wakakhazikika.+ 41 Ntheura Petrosi wakamukora pa woko, wakamuwuska, ndipo wakachema ŵatuŵa na vyokoro na kumupeleka wamoyo.+

9 Pa windo pakakhala munyamata zina lake Yutiko uyo wakagona tulo tuzito apo Paulosi wakayowoyanga, ndipo pakuŵa mu tulo, wakawa pasi kufuma pa nyumba yachitatu yakudikanya na kufwira papo. 10 Kweni Paulosi wakakhilira pasi na kujiponya pa iyo na kumuvumbatira+ ndipo wakati: “Khalani chete, chifukwa ngwamoyo.”+

9 Lekani Khristu wakafwa na kuŵaso wamoyo, mwakuti waŵe Fumu ya ŵakufwa na ŵamoyo.+

17 Na chipulikano, apo Abrahamu wakayezgeka,+ wakaŵa nga wapeleka kale Yisake. Abrahamu, munthu uyo wakapokera mwakukondwa malayizgo wakaŵa wakunozgeka kupeleka mwana wake yekha na yekha,+

19 Kweni wakawona kuti Chiuta wakaŵa na nkhongono kumuwuska nanga nkhu ŵakufwa. Wakamupokeleraso kufuma ku ŵakufwa, ndipo ichi chikimiranga chinthu chinyake.+