37 Ntheura themba likafwa ndipo ŵakiza nalo ku Samariya. Ŵakalisunga mu Samariya. 38 Apo ŵakasukanga gileta pafupi na chiziŵa cha Samariya, ntcheŵe zikamyanga ndopa zake ndipo mahule ghakagezanga penepara,* kuyana na mazgu agho Yehova wakayowoya.+

25 Yehu wakati kwa Bidikara msilikari wake: “Mutora, umuponye mu munda wa Naboti Muyezireli.+ Kumbuka kuti iwe na ine tikendanga pamoza* kumanyuma kwa Ahabu wiske, apo Yehova wakayowoya uthenga uwu kwimikana nayo:+ 26 ‘“Nadi pano, umo nkhawonera ndopa za Naboti+ na ndopa za ŵana ŵake mayiro,” wakuti Yehova, “niwezgerenge+ nadi nduzga pa iwe mu munda wenewuwu,” wakuti Yehova.’ Sono mutora, umuponye mu munda kuyana na mazgu gha Yehova.”+