26 Themba Solomoni likapangaso ngalaŵa zinandi mu Eziyoni-geberi,+ kufupi na Eloti, mumphepete mwa Nyanja Yiswesi mu charu cha Edomu.+

35 Pamanyuma, Yehoshafati themba la Yuda wakakolerana na Ahaziya themba la Israyeli, uyo wakaŵa muheni chomene.+ 36 Wakakolerana nayo ndipo ŵakachitiranga lumoza ntchito ya kupanga ngalaŵa na kuzituma ku Tarishishi,+ ŵakazipangiranga ku Eziyoni-geberi.+ 37 Kweni Eliyezeri mwana wa Dodavahu wa ku Maresha wakachima kwimikana na Yehoshafati, wakati: “Pakuti wakolerana na Ahaziya, Yehova waparanyenge milimo yako.”+ Ntheura ngalaŵa zikabwangasuka,+ zikatondeka kuluta ku Tarishishi.