LAYIBULARE YA PA INTANETI ya Watchtower

2 Samuyeli 22:7

Malemba Ghakupatulika mu Mang’anamuliro gha Charu Chiphya
- 7 Mu suzgo yane, nkhachema Yehova,+
  Nkhachema Chiuta wane.
  
  Wakapulika mazgu ghane mu tempile lake,
  Ndipo kulira kwane kupempha wovwiri kukafika mu makutu ghake.+

2 Midauko 20:9

Malemba Ghakupatulika mu Mang’anamuliro gha Charu Chiphya
- 9 ‘Usange soka latiwira, kwali na lupanga, cheruzgo chakofya, nthenda zakofya, panji njara, ise timilirenge panthazi pa nyumba iyi na pamaso pinu (pakuti zina linu lili mu nyumba iyi),+ tililirenge kwa imwe mu suzgo yithu, ndipo imwe mutipulike na kutiponoska.’+

2 Midauko 32:20

Malemba Ghakupatulika mu Mang’anamuliro gha Charu Chiphya
- 20 Kweni Themba Hezekiya na ntchimi Yesaya+ mwana wa Amozi ŵakalombanga na kulilira kuchanya kupempha wovwiri.+

Salimo 50:15

Malemba Ghakupatulika mu Mang’anamuliro gha Charu Chiphya
- 15 Unicheme mu nyengo ya suzgo.+
  
  Nikuthaskenge, ndipo iwe unichindikenge.”+