9 Pakuti maso gha Yehova ghakulaŵiska uku na uku mu charu chose+ kuti walongore nkhongono* zake pa awo mitima yawo njakufikapo* kwa iyo.+ Apa wachita uchindere. Kwamba sono kuŵenge nkhondo kwimikana nawe.”+

6 Ezira uyu wakakwera kufuma ku Babuloni. Wakaŵa mulembi, wakalimanyanga makora chomene* Dango la Mozesi,+ ilo Yehova Chiuta wa Israyeli wakapeleka. Themba likamupa chilichose icho wakapempha, chifukwa woko la Yehova Chiuta wake likaŵa pa iyo.

28 Ndipo wanilongora lusungu* pamaso pa themba,+ ŵakupeleka fundo ŵake,+ na ŵakaronga ŵankhongono wose ŵa themba. Ntheura nkhakhwima mtima,* chifukwa woko la Yehova Chiuta wane likaŵa pa ine, ndipo nkhawunganya ŵanalume ŵakulongozga kufuma mu Israyeli kuti ŵalute nane.

6 Penepapo wakati kwa ine: “Agha ni mazgu gha Yehova kwa Zerubabeli: ‘“Ivi vichitikenge na nkhondo chara, nesi nkhongono,+ kweni na mzimu wane,”+ wakuti Yehova wa mawumba.