4 Ŵalwani ŵa Yuda na Benjamini+ ŵakapulika kuti ŵazga awo ŵawera+ ŵakuzenga tempile la Yehova Chiuta wa Israyeli. 2 Nyengo yeneyiyo ŵakiza kwa Zerubabeli na ŵalara ŵa nyumba za ŵawiskewo. Ŵakati kwa iwo: “Tizomerezgani kuti nase tizenge namwe, pakuti nase tikusopa* Chiuta winu+ nga ndimwe. Nyengo yose iyi tapelekanga sembe kwa iyo kwambira mu mazuŵa gha Esari-hadoni,+ themba la Asiriya, uyo wakiza nase kuno.”+ 3 Kweni Zerubabeli, Yeshuwa, na ŵalara ŵanyake wose ŵa nyumba za awiskewo za Israyeli ŵakati kwa iwo: “Imwe mulije chigaŵa pamoza na ise kuti muzengeko nyumba ya Chiuta withu,+ chifukwa ise tizengenge tekha nyumba ya Yehova, Chiuta wa Israyeli, nga umo Themba Sayirasi la Peresiya latiphalilira.”+