11 Mozesi wakati kwa Yehova: “Kasi mwanisuzgirachi namuteŵeti winu? Kasi natondekerachi kusanga uwemi* mu maso ghinu pakuti mwaŵika katundu wa ŵanthu wose aŵa pa ine?+

15 Usange ndimo muchitirenge nane, mbwenu nikomani waka sono nthe.+ Usange nasanga uwemi pamaso pinu, munganiwoneskanga soka linyake chara.”

3 Eliya wakawopa chomene, ntheura wakawuka, wakachimbira kuponoska umoyo wake.+ Wakafika ku Beyere-sheba,+ wa kwa Yuda,+ ndipo wakaleka muteŵeti wake kwenekura. 4 Iyo wakenda ulendo wa zuŵa limoza kuya ku mapopa, wakafika na kukhala musi mwa khuni la msankhanya. Penepapo wakapempha kuti wafwe waka. Wakati: “Mbwenu! A Yehova, uwuskanimo sono umoyo wane,+ pakuti ine nili muwemi kuluska ŵasekuru ŵane chara.”

16 Nkhutinkha umoyo wane,+ nkhukhumba yayi kukhalilira wamoyo.

Nilekani, pakuti mazuŵa ghane ghali nga ni mvuchi.+

2 Ntheura wakalomba kwa Yehova, wakati: “A Yehova, asi ivi ndivyo nkhawopanga apo nkhaŵa mu charu chane? Lekani pakwamba nkhakhumbanga kuchimbilira ku Tarishishi,+ chifukwa nkhamanya kuti ndimwe Chiuta wachiwuravi ndiposo walusungu, wakukalipa luŵiro chara, na wakuzura na chitemwa,*+ uyo wakuchita chitima na soka ilo wakhumbanga kutuma. 3 Sono nkhumuŵeyani, A Yehova, wuskanimo umoyo wane mwa ine, pakuti ntchiwemi nifwe kuluska kuŵa wamoyo.”+