10 “Para Yehova Chiuta wako wakunjizga mu charu icho wakalapa ku ŵasekuru ŵako Abrahamu, Yisake, na Yakhobe, kuti wapelekenge kwa iwe,+ misumba yikuru na yiwemi iyo ukazenga chara,+ 11 nyumba zakuzura na vinthu viwemi vya mtundu wose ivyo ukavifukafukira chara, visimi ivyo ukajima chara, na minda ya mpheska na makuni gha maolive ivyo ukapanda chara, ndipo para warya na kukhuta,+ 12 penepapo ukachenjere kuti ukaleke kuluwa Yehova+ uyo wakakufumiska mu charu cha Eguputo, mu nyumba ya wuzga.

 4 Ungajivuskanga yayi kuti usange usambazi.+

Leka, ndipo uŵe wakupulikiska.*

19 “Lekani kujiŵikira usambazi pa charu chapasi,+ apo vidoyo na mlosko vikunanga, ndiposo apo ŵankhungu ŵakugumura na kwiba.

24 “Palije uyo wangateŵetera nga ni muzga wa mabwana ghaŵiri, chifukwa panji watinkhenge yumoza na kutemwa munyake,+ panji wademelerenge kwa yumoza na kuyuyura munyake. Vingachitika yayi kuti pa nyengo yimoza muŵe ŵazga ŵa Chiuta na Usambazi.+

36 Nakuti chingamovwira vichi munthu usange wangasanga vinthu vyose vya mu charu kweni wataya umoyo wake?+

15 Penepapo wakati kwa iwo: “Muŵenge maso ndipo chenjerani na mtundu uliwose wa uryezi,*+ chifukwa nanga munthu wangaŵa na vinthu vinandi, umoyo wake ukufuma mu ivyo wali navyo yayi.”+

17 Uŵasambizge awo mbasambazi mu nyengo iyi* kuti ŵangaŵanga ŵakujikwezga yayi, ndiposo ŵangaŵikanga chigomezgo chawo mu usambazi wambura kutchintha yayi,+ kweni mwa Chiuta, uyo wakutipa kwawanangwa vinthu vyose ivyo ise tikukondwa navyo.+

16 Pakuti vinthu vyose vya mu charu, makhumbiro gha thupi,+ makhumbiro gha maso+ na kujilongora chifukwa cha ivyo uli navyo,* vikufuma kwa Adada yayi, kweni ku charu.