LAYIBULARE YA PA INTANETI ya Watchtower

LAYIBULARE YA PA INTANETI ya Watchtower

LAYIBULARE YA PA INTANETI

Salimo 15:1-5

Malemba Ghakupatulika mu Mang’anamuliro gha Charu Chiphya
- 15 A Yehova, kasi ni njani wangaŵa mulendo mu hema linu?
  
  Ni njani wangakhala mu phiri linu lituŵa?+
  
  2 Uyo wakwenda kwambura kafukwa,+
  Wakuchita icho ntchakwenelera,+
  Na kuyowoya unenesko mu mtima wake.+
  
  3 Wakusesa chara na lulimi lwake,+
  Wakumuchitira chiheni chara mzengezgani wake,+
  Nanga nkhulengeska ŵabwezi ŵake.+
  
  4 Wakukana waliyose uyo ni mukazuzi,+
  Kweni wakuchindika awo ŵakopa Yehova.
  
  Wakusintha yayi pa ivyo walayizga,* nanga ni para vimuŵikenge paheni.+
  
  5 Wakubwerekeska ndalama zake kuti wasangirepo zapachanya chara,+
  Wakupokera chara chimbundi pa munthu wambura mulandu.+
  
  Munthu uyo wakuchita vinthu ivi wasunkhunyikenge chara.+

Salimo 27:4

Malemba Ghakupatulika mu Mang’anamuliro gha Charu Chiphya
- 4 Pali chinthu chimoza icho napempha kwa Yehova
  Ndicho nipenjenge,
  Chakuti nikhalenge mu nyumba ya Yehova mazuŵa ghose gha umoyo wane,+
  Kuti nidodoliskenge uwemi wa Yehova
  Na kudaŵira tempile lake.*+

Salimo 84:1-4

Malemba Ghakupatulika mu Mang’anamuliro gha Charu Chiphya
- 84 Chihema chinu chauchindami ntchakutowa* nadi,+
  A Yehova wa mawumba.
  
  2 Umoyo wane wose ukunweka,
  Enya, nkhuzinduka chifukwa cha kudokera,
  Maluŵaza gha Yehova.+
  
  Mtima wane na thupi lane vikuchemerezga mwachimwemwe kwa Chiuta wamoyo.
  
  3 Nanga nkhayuni kakusanga pakukhala kwenekura,
  Kaŵeruŵeru wakujizengera chivwimbo,
  Uko wakupwelelera twana twake,
  Pafupi na jotchero linu lauchindami, A Yehova wa mawumba,
  Themba lane na Chiuta wane.
  
  4 Mbakukondwa awo ŵakukhala mu nyumba yinu.+
  
  Ŵakulutilira kumulumbani.+ (Selah)

Salimo 84:10

Malemba Ghakupatulika mu Mang’anamuliro gha Charu Chiphya
- 10 Pakuti zuŵa limoza mu maluŵaza ghinu ndiwemi kuluska mazuŵa 1,000 kunyake.+
  
  Nasankha kwimilira pa mulyango wa nyumba ya Chiuta wane
  Kuluska kukhala mu mahema gha uheni.