19 Pakuti namumanya, ndipo nkhugomezga kuti wasambizgenge ŵana ŵake na ŵamunyumba yake pamanyuma pake kuti ŵasungenge nthowa za Yehova na kuchita icho ntchakwenelera na urunji,+ mwakuti Yehova wafiske ivyo walayizga Abrahamu.”

6 Mazgu agho nkhukuphalira muhanya uno ghakhalenge pa mtima wako. 7 Ndipo ughadidimizge* mu ŵana ŵako+ na kughayowoya para ukukhala pasi mu nyumba yako, para ukwenda pa nthowa, para wagona pasi, na para wawuka.+