LAYIBULARE YA PA INTANETI ya Watchtower

LAYIBULARE YA PA INTANETI ya Watchtower

LAYIBULARE YA PA INTANETI

Dotoronome 4:34

Malemba Ghakupatulika mu Mang’anamuliro gha Charu Chiphya
- 34 Panji kasi Chiuta wakayezgapo kujitolera mtundu mukati mwa mtundu unyake kwizira mu vyeruzgo,* vimanyikwiro, minthondwe,+ nkhondo,+ woko lankhongono+ na woko lakunyoloskeka, kweniso milimo yakofya,+ nga umo Yehova Chiuta winu wakachitira na imwe mu Eguputo pamaso pinu?

Nehemiya 9:10

Malemba Ghakupatulika mu Mang’anamuliro gha Charu Chiphya
- 10 Penepapo mukachita vimanyikwiro na minthondwe pa Farawo, ŵateŵeti ŵake wose na ŵanthu wose ŵa mu charu chake,+ pakuti mukamanya kuti ŵakajiŵikamo+ na kuchitira ŵanthu ŵinu uheni. Mukajipangira zina ilo likukhalilira m’paka muhanya uno.+

Salimo 105:27-36

Malemba Ghakupatulika mu Mang’anamuliro gha Charu Chiphya
- 27 Iwo ŵakachita vimanyikwiro vyake pakati pawo,
  Minthondwe yake mu charu cha Hamu.+
  
  28 Wakatuma mdima ndipo charu chikaŵa mu chisi.+
  Ŵakagalukira chara mazgu ghake.
  
  29 Wakazgora maji ghawo kuŵa ndopa,
  Na kukoma somba zawo.+
  
  30 Charu chawo chikazura na ŵachule tikatika,+
  Na mu vipinda vya nyumba zauthemba wuwo.
  
  31 Wakalangura ŵabulumembe kuti ŵatake,
  Na skuwuwu mu vigaŵa vyawo vyose.+
  
  32 Vula yawo wakayizgora yamalibwe,
  Wakatuma ŵaleza* pa charu chawo.+
  
  33 Wakatimba makuni ghawo gha mpheska na vikuyu
  Na kuswadura makuni mu chigaŵa chawo.
  
  34 Wakaphalira ŵazombe kuti ŵambonye,
  Tuzombe twambura kupendeka.+
  
  35 Ŵakarya vyakumera vyose mu charu chawo,
  Ŵakarya vipasi vya charu.
  
  36 Kufuma apo, wakakoma chilichose chakwamba kubabika mu charu chawo,+
  Jando la nkhongono zawo zakubabira.