25 Pakuti Davide wakuyowoya vya iyo kuti: ‘Nkhuŵika Yehova* pamaso pane nyengo zose, pakuti wali ku woko lane lamalyero kuti nileke kusunkhunyika. 26 Pa chifukwa ichi, mtima wane ukakondwa chomene ndipo lulimi lwane lukasekelera chomene. Ine* niŵenge na chigomezgo, 27 chifukwa munisidenge mu Dindi* chara, nesi kuzomerezga kuti wakugomezgeka winu wawone kuvunda.+ 28 Mwanimanyiska nthowa za umoyo, munipenge chimwemwe chikuru pamaso pinu.’+