18 Yehova wawusenge nga ni themba muyirayira swii.+

26 Nkhulangura kuti mu vigaŵa vyose vya uthemba wane, ŵanthu ŵakwenera kopa na kumbwambwantha pamaso pa Chiuta wa Daniyeli.+ Chifukwa ni Chiuta wamoyo ndipo wakukhalilira muyirayira. Ufumu wake uzamuparanyikapo chara, ndipo muwuso wake ngwamuyirayira.+

15 Mungelo wa 7 wakalizga mbata yake.+ Ndipo mazgu ghakuru ghakapulikikwa kuchanya, kuti: “Ufumu wa charu wazgoka Ufumu wa Fumu+ yithu na wa Khristu wake,+ ndipo iyo walamulirenge* nga ni themba muyirayira swii.”+