-
Zintharika 7:14-21Malemba Ghakupatulika mu Mang’anamuliro gha Charu Chiphya
-
-
14 “Napeleka sembe zawenenawene.+
Muhanya uno nafiska vilapo vyane.
15 Lekani niza kuzakakumana nawe,
Nakupenjanga, ndipo sono nakusanga.
16 Pa bedi lane natandikapo salu ziwemi,
Za mitundu yakupambanapambana za ku Eguputo.+
17 Napementherapo vyakununkhira viwemi chomene pa bedi lane, mure, aloyi, na sinamoni.+
18 Zanga, tiye tibezere na chitemwa m’paka mulenji.
Tikondwe na chitemwa,
19 Pakuti mfumu wane palije pa nyumba.
Wali kuluta kutali.
20 Wali kunyamura thumba la ndalama,
Wawerengeko para mwezi wakhoma.”
21 Wakupuluska munyamata na kukopa kukuru.+
Wakumunyenga na kayowoyero kakumyamyatika.
-