-
Yobu 38:8-11Malemba Ghakupatulika mu Mang’anamuliro gha Charu Chiphya
-
-
8 Ni njani wakajara vijaro vya nyanja,+
Yikati yafuma mu nthumbo,
9 Apo nkhayivwarika mabingu
Na kuyivunga mu mdima ukuru,
10 Apo nkhayiŵikira vigoti vyane,
Na kuŵika mitambiko na vijaro vyake mu malo ghake,+
11 Ndipo nkhati, ‘Uwelere apa, kulutilira chara,
Apa ndipo majigha ghako ghakujikuzga ghagoterenge’?+
-
-
Salimo 33:7Malemba Ghakupatulika mu Mang’anamuliro gha Charu Chiphya
-
-
7 Wakuwunjika maji gha mu nyanja nga ntchiziŵa.+
Wakuŵika maji ghakututuka mu vyakusungiramo.
-
-
Salimo 104:6-9Malemba Ghakupatulika mu Mang’anamuliro gha Charu Chiphya
-
-
6 Mukachibenekelera na maji ghanandi nga ntchakuvwara.+
Vimaji vikimilira pachanya pa mapiri.
7 Mukavichenya ndipo vikafumapo.+
Pakupulika kududumira kwinu vikachimbira mwawofi,
8 Mapiri ghakakwelera muchanya,+ madambo ghakakhilira pasi,
Ku malo agho mukavinozgera.
9 Maji mukaghaŵikira mphaka kuti ghaleke kujumpha,+
Kuti ghaleke kubenekeleraso charu chapasi.
-
-
Yeremiya 5:22Malemba Ghakupatulika mu Mang’anamuliro gha Charu Chiphya
-
-
22 Yehova wakuti: ‘Kasi mukuniwopa yayi?
Asi mukwenera kutenthema pamaso pane?
Ndine nkhaŵika mchenga kuŵa mphaka ya nyanja,
Dango lamuyirayira ilo yingalijumpha chara.
Nanga majigha ghake ghaŵiruke, ghangaluska chara.
Nanga ghapome, nipera ghangalijumpha yayi.+
-