22 Sono Eli wakaŵa muchekuru chomene, kweni wakapulika vyose ivyo ŵana ŵake ŵakachitiranga+ Ŵaisrayeli wose na umo ŵakagoneranga na ŵanakazi awo ŵakateŵeteranga pa mulyango wa chihema chakukumanamo.+ 23 Wakatenge kwa iwo: “Kasi mukuchitirachi vinthu vyanthena ivi? Pakuti ivyo nkhupulika vya imwe kufuma ku ŵanthu wose ni viheni. 24 Yayi, ŵana ŵane, ivyo nkhupulika vikuyowoyeka pakati pa ŵanthu ŵa Yehova ni viwemi yayi. 25 Usange munthu wanangira munyake, yunji wangamuŵeyelelera kwa Yehova.* Usange munthu wanangira Yehova,+ ni njani wangamulombera?” Kweni ŵakakana kupulikira awiskewo, chifukwa Yehova wakaŵikapo mtima kuti waŵakome.+