7 Solomoni wakaŵa na ŵachiŵiri ŵa ŵalongozgi ŵakukwana 12 awo ŵakaŵa pachanya pa Israyeli yose, awo ŵakanozgeranga vyakurya themba na ŵamunyumba yake. Waliyose wakizanga na chakurya mwezi umoza pa chaka.+

22 Zuŵa lililose chakurya cha Solomoni chikaŵanga ufu uwemi wakukwana makoro* 30 na ufu waka wakukwana makoro 60, 23 ng’ombe 10 zakututuŵa, ng’ombe 20 zakufuma ku ulyero, na mberere 100, padera pa mbaŵala zanalume, mphoyo, nyiska, na viyuni vya chakupompha vyakututuŵa.

4 Fumukazi ya ku Sheba yikati yawona vinjeru vyose vya Solomoni,+ nyumba iyo wakazenga,+ 5 vyakurya pa thebulu lake,+ kakhaliro ka ŵateŵeti ŵake, kachitiro ka ŵakupelekera vyakurya na kavwaliro kawo, ŵakupelekera vyakumwa na kavwaliro kawo, na sembe zake zakotcha izo wakapelekanga pa nyumba ya Yehova, yikati waka pwaza!*

21 Vyakumweramo vyose vya Themba Solomoni vikaŵa vya golide, ndipo viteŵetero vyose vya mu Nyumba ya Nkhorongo ya ku Lebanoni+ vikaŵa vya golide liwemi chomene. Pakaŵavya icho chikapangika na siliva, chifukwa mu mazuŵa gha Solomoni+ siliva likawonekanga kuti nkhanthu chara.